Maskın şirkəti ilk dəfə insana çip yerləşdirəcək: Kompüterlə əlsiz işləmək mümkün olacaq

İlon Maska məxsus “Neuralink” şirkəti altı aydan sonra ilk dəfə insana çip yerləşdirməyi planlaşdırır.

Bu çip vasitəsilə insanlar kompüter və telefondan əlsiz istifadə edə biləcəklər.

“Düşünürük ki, ola bilsin, təxminən altı aydan sonra biz insana ilk çipi yerləşdirə biləcəyik”, - deyə Mask mətbuat konfransı zamanı bildirib.

Sahibkar söz verib ki, onun şirkəti bu məsələdə diqqətli davranacaq. Eyni zamanda qeyd edib ki, bundan öncəki analoji tədqiqatlarda heyvanlara çip yerləşdirilməsi zamanı artıq lazımi ehtiyat tədbirləri görülüb.

Sahibkar qeyd edib ki, buna icazə alınması üçün tələb olunan sənədlərin əksəriyyəti artıq ABŞ-nin Qida Məhsullarının və Dərman Vasitələrinin Keyfiyyətinə Sanitar Nəzarət İdarəsinə təqdim edilib.

Mənbə: TASS

Oxu.az

ƏVVƏLKİ XƏBƏR

“Qarabağ”ın legioneri Veşoviç ailəsi ilə - FOTO

SONRAKI XƏBƏR

Rumıniya Azərbaycan və Ermənistanı münasibətlərin normallaşdırılması üçün səylərini davam etdirməyə çağırıb