Kanadalı alimlər “El-Ali” meteoritində Yer kürəsində indiyədək heç vaxt tapılmayan minerallar aşkar ediblər.
Bu barədə məlumatı Gazeta.ru yayıb.
Bu kəşf illik Kosmik Tədqiqatlar Simpoziumunda elan edilib.
Meteorit alimlər tərəfindən 2019-cu ildə Somalidə El-Ali şəhəri yaxınlığında tapılıb. Meteorit təxminən 14 ton ağırlığındadır və qədim dövrdə Yerə düşüb.
Alimlər meteoritdən təxminən 70 qram ağırlığında nümunələr ayıraraq onların kimyəvi analizini aparıblar. Nəticədə iki yeni mineral - elaliit və elkinstantonit, həmçinin Yer kürəsində təbii mühitdə olmayan nümunə tapılıb.
Kosmik obyek hərracda satılmaq üçün Çinə aparılıb.