"Whatsapp" İOS-da yeni funksiyaya sahib olacaq

"WhatsApp"ın İOS-un beta versiyasında videozənglər üçün yeni funksiya yaradılıb.

"Report" xəbər verir ki, bu barədə "WABetaInfo" portalı məlumat yayıb.

Qeyd olunur ki, yenilik "WhatsApp"ın bir sıra istifadəçiləri üçün əlçatan olacaq.

Yeni funksiya videozəng zamanı "WhatsApp"ın minimuma endirilməsi zamanı söhbəti davam etdirməyə imkan verir - zəng ekranı kiçik üzən pəncərədə yerləşdiriləcək. Bu halda, pəncərə bağlana, ekran ətrafında hərəkət etdirilə və ya ölçüsü dəyişdirilə bilər.

İndiyə qədər onlar yeniliyi yalnız ən son iOS 16.1 ilə işləyən "iPhone"da sınaqdan keçirə biliblər.

Messencerin "Android"də olan versiyasında bu funksiya artıq bir neçə ildir ki, işləyir.

Report.az

ƏVVƏLKİ XƏBƏR

Ronaldo səfir ola bilər

SONRAKI XƏBƏR

Azərbaycanda sabiq nazir vəfat etdi - FOTO