Ötən il dünyada ən çox silah satan şirkət ABŞ-ın “Lockheed Martin Corp.” şirkəti olub.
Yeniavaz.com xəbər verir ki, bu məlumat Stokholm Beynəlxalq Sülh Araşdırmaları İnstitutunun (SIPRI) açıqladığı hesabatda yer alıb.
Hesabatda göstərilir ki, “Lockheed Martin Corp.” şirkəti ötən il 60 milyard 340 milyon dollar dəyərində silah satıb və əvvəlki illə müqayisədə 0,6% azalıb.
SIPRI-nın açıqladığı hesabatda ən çox silah satan 5 şirkətin hamısı ABŞ-a məxsus olub. İlk 10-luqda bir Böyük Britaniya və 4 Çin şirkəti yer alıb.
Son bir ildə silah satışını ən çox artıran şirkət isə Türkiyənin “Türk Uçak Sanayii Anonim Ortaklığı” şirkəti (“Turkish Aerospace”) olub. “Turkish Aerospace” 2021-ci ildə 1,2 milyard dollar dəyərində silah satıb və 2020-ci illə müqayisədə 62% artım olub.

Mənbə: www.yeniavaz.com