Alimlər Yerdən 9 milyard işıq ili uzaqlıqda yerləşən başqa bir qalaktikadan gələn siqnal aşkar ediblər.
Yeniavaz.com xarici KİV-ə istinadla xəbər verir ki, radio siqnalı Hindistanın Pune şəhərində yerləşən nəhəng teleskop tərəfindən qəbul edilib.
Alimlər bildirir ki, siqnal SDSSJ0826+5630 adlı qalaktikadan yayılır. Həmin qalaktika ulduz əmələ gətirən qalaktikadır. Siqnalın Yerə çatması 9 milyard il çəkib. Mütəxəssislərin sözlərinə görə radio siqnalı 9 milyard il əvvəl keçmişə baxmağın bir yoludur. Yaxınlıqdakı qalaktikalardan başqa radio siqnalları da aşkarlanıb, lakin bu, indiyədək aşkar edilmiş ən uzaq siqnaldır.
