İlon Maskın borcları: Bukinhem Sarayı Twitter-i məhkəməyə verib...

İlon Maskın borcları: Bukinhem Sarayı Twitter-i məhkəməyə verib...<span class="qirmizi"></span>

 

Twitter-in Londondakı baş ofisi icarə pulunu vermədiyinə görə Britaniya krallığı sosial şəbəkəni məhkəməyə verib. Maks İlonun III Çarlza nə qədər borclu olduğu isə açıqlanmır…

Böyük Britaniya kralı III Çarlzın əmlakını idarə edən Crown Estate şirkəti şirkətə qarşı iddia qaldırıb.

PİA.az xəbər verir ki, bu barədə Reuters məlumat yayıb.

Agentlik xəbər verir ki, bu addımın səbəbi Twitter-in Londonda, 20 Air Street ünvanında yerləşən baş ofisinin icarə haqqının ödənilməməsidir.

Borcun məbləği açıqlanmasa da, məhkəməyə baş vurmazdan əvvəl Crown Estate nümayəndəsi problemin məhkəməyə getmədən həll etmək üçün Twitter-in rəhbərliyi ilə əlaqə saxladığı məlum olub.

III Çarlz kral olduqdan sonra Crown Estateşirkətinin idarə etdiyi böyük miqdarda kraliyyət əmlakını miras alıb. Bu mülklərə yaşayış yerləri, dəbdəbəli ofis sahələri, o cümlədən Twitter-in Böyük Britaniyadakı baş ofisinin yerləşdiyi bina da daxildir. Açıq siyahıda son ödəmənin 31 dekabr 2020-ci il tarixinə aid olduğu göstərilir.

Dekabr ayında The New York Times qəzeti Twitter-in baş ofisi və San-Fransiskoda icarə haqqını ödəməyi dayandırdığını yazmışdı və yanvarın 27-də ofisin sahibi Twitter-i dekabr və yanvar aylarının icarə haqqını ödəmədiyinə görə məhkəməyə vermişdi.
Qeyd edək ki, İlon Mask Twitter-i əldə etdikdən sonra şirkətə problemlər yağmağa başladı. Sosial şəbəkənin yeni sahib bir çox işçini işdən çıxardı və yerdə qalanların əksəriyyətinə isə uzaqdan işə keçməyi təklif edib. İndi Twitter-in müxtəlif ölkələrdə yerləşən baş ofislərinin on milyonlarla dolla icarə borcunun yarandığı bildirilir.

Platformanı 44 milyard dollara satın alan İlon Mask dəyişiklikləri aktiv şəkildə həyata keçirməyə başladı. Xüsusilə, yemək xərcləri azaldıldı, San-Fransisko ofisindən bahalı mebelləri, qəhvə maşınları və digər əşyaları hərraca çıxarılaraq satıldı.

İndi buludlar şirkətin Sinqapurdakı Asiya-Sakit Okean baş ofisi üzərində dolaşır. Burada işçilərə əşyalarını ofisdən götürmək və uzaqdan işə keçmək üçün cəmi bir neçə saat vaxtları olduğu bildirilmişdi.

pia.az

Mənbə: pia.az