"Bakcell" baş vermiş zəlzələ ilə əlaqədar hazırda Türkiyədə olan abunəçilərini pulsuz danışıq dəqiqələri və internetlə təmin edib.

"Report" bu barədə şirkətin yaydığı məlumata istinadən xəbər verir.

Qurumun açıqlamasında deyilir ki, müvafiq məlumat abunəçilərə SMS vasitəsilə göndərilir.

Xatırladaq ki, Türkiyədə bu gün səhər saatlarında 7,4 bal gücündə zəlzələ olub, 284 nəfər ölüb, 2323 nəfər yaralanıb. Zəlzələnin ocağı Kahramanmaraş şəhərinin Pazarcık rayonu ərazisində 7 km dərinlikdə olub. Yeraltı təkanlar Bakı vaxtı ilə 05:17-də qeydə alınıb. Təbiət hadisəsi paytaxt Ankara daxil olmaqla ölkənin bir çox şəhərlərində hiss edilib.

Mənbə: report.az