Bu il mayın 1-dən Azərbaycanda bütün dövlət qurumlarının yeni poçt sisteminə köçürülməsinə başlanacaq.
"Report" xəbər verir ki, bunu Xüsusi Rabitə və İnformasiya Təhlükəsizliyi Dövlət Xidmətinin (XRİTDX) idarə rəisi Tural Məmmədov bu gün XRİTDX-nın təşkilatçılığı ilə keçirilən “Dövlət Qurumlarının İT rəhbərlərinin I Zirvə Toplantısı”nda çıxışı zamanı deyib.
T.Məmmədovun sözlərinə görə, "gov.az" domen zonasında olmayan dövlət qurumları da bu vahid sistemə inteqrasiya olunacaq: "Dövlət qurumlarını məlumatlandırmaq istəyirik ki, bu köçürülməyə indidən hazır olsunlar və may ayının 1-dən sonra artıq bu inteqrasiya başlayacaq".
