Çin bir ildən artıqdır ki, Rusiya qoşunlarının Ukraynada davam edən döyüşlərini diqqətlə izləyir və Tayvan üzərində mümkün hərbi münaqişə üçün nəticələr çıxarır.
Yeniavaz.com xəbər verir ki, bu barədə “The New York Times” məlumat yayıb.
Qəzet döyüşləri qiymətləndirən 100-ə yaxın Çin tədqiqat məqaləsini və media məqalələrini təhlil edib. Beləliklə, Rusiya və Ukraynanın timsalında Pekin silah və hərbi gücdən necə istifadə edildiyini, həmçinin kəşfiyyat və çəkindirmənin necə işlədiyini öyrənir.
Xüsusilə, öz silahlarının hazırlanması kontekstində ÇXR Rusiyanın uçuş zamanı yüksək manevr qabiliyyətinə malik hipersəs raketlərindən necə istifadə etməsi ilə maraqlanır. Ukrayna hərbi qüvvələrinin “Starlink” peyk şəbəkəsindən istifadə etməsi də ölkənin diqqətini cəlb edir. Ekspertlərin fikrincə, Çin mümkün qədər tez analoji aşağı orbitli peyk sistemi hazırlayacaq.
