TikTok yeni sosial media tətbiqi olan “Whee”ni təqdim edib.

Ötən aylarda 30 dəqiqəlik videolarla yutubda yer almağa hazırlaşan TikTok indi də instaqrama rəqib olacaq tətbiqi hazırlayıb. Lakin bu tətbiq instaqramdan fərqli olaraq, yalnız dostlarınızın görə biləcəyi fotoşəkilləri paylaşmaq üçün nəzərdə tutulub.

“Whee” adlı foto tətbiqi hazırda “Google Play Store”da test mərhələsindədir.

Proqram ABŞ başda olmaqla, bir çox ölkədə hələ mövcud deyil.

Mənbə: qafqazinfo.az