Ümumdünya Səhiyyə Təşkilatı qlobal fiziki fəaliyyət və məşq nisbətləri haqqında hesabat dərc edib.
Hesabata görə, 2022-ci ildə dünyada 1,8 milyard insan, yəni hər üç yetkin insandan biri kifayət qədər fiziki fəaliyyətlə məşğul deyil.
Hərəkətsizlik nisbətləri son on iki ildə həyəcanverici dərəcədə artıb.
2010-2022-ci illər arasında insanlarda hərəkətsizlik nisbəti 5 faiz artıb.
Hesabatda hərəkətsizliyin infarkt, insult, 2-ci tip diabet və xərçəng kimi xəstəliklərə səbəb olduğu vurğulanıb.
Qlobal hərəkətsizlik nisbətinin qadınlarda 34 faiz, kişilərdə 29 faiz olduği, bəzi ölkələrdə bu fərqin yüzdə 20-yə çatdığı bildirilib.
ÜST insanlara həftədə 150 dəqiqə güclü fiziki fəaliyyətlə məşğul olmağı tövsiyə edib.
Gülnar
Mənbə: publika.az