“Çinin ilk yerli istehsalı olan Z-20 helikopteri daha həssasdır, çünki “Fly-by-Wire" idarəetmə sistemindən istifadə edilir”, - deyə Z-20 pilotu Song Xinning qeyd edib.

Ənənəvi idarəetmə sistemlərindən fərqli olaraq, bu sistem lazım olan əmrləri kompüter vasitəsi ilə verir.

Əlavə hesablama apara bilən kompüter sayəsində pilot təyyarəni daha asan və sabit şəkildə idarə edə bilər.

Qeyd edək ki, Z-20 müxtəlif ərazilərə və hava şəraitinə uyğunlaşa bilən, heyət və yük daşımaları, axtarış və xilasetmə, kəşfiyyat və sualtı əleyhinə əməliyyatlar da daxil olmaqla, bir çox missiyalarda istifadə edilə bilən orta hündürlüklü bir helikopterdir.

Sevinc Əliyeva

Mənbə: ordu.az