Çində nəhəng külək generatoru hazırlanıb

Çinin cənub-qərbində yerləşən Çunsin şəhərində diametri 210 metr olan rotorla təchiz edilmiş külək generatoru hazırlanıb.

"ICTnews" Elektron Xəbər Xidməti "iz.ru" saytına istinadən yazır ki, "H210-10MW" dəniz külək qurğusunun gücü 10 mvt təşkil edir. O, Çində rotorunun diametri 200 metrdən çox olan ilk külək turbinidir. Bu nəhəng generator Çinin "CSIC" gəmiqayırma korporasiyasının törəmə şirkəti olan "Haizhuang Windpower" tərəfindən işlənib hazırlanıb. Yaxın vaxtlarda istifadəyə verilməsi gözlənilir.

"Haizhuang Windpower" şirkətinin nəzdində fəaliyyət göstərən Elmi Tədqiqat İnstitutunun direktoru Han Huali məlumat verib ki, hər bir "H210-10MW" aqreqatı hər il təxminən 40 milyon kVt/saat elektrik enerjisi hasil etmək qabiliyyətinə malikdir ki, bu da ölkədə mövcud olan 5 mvt gücündə analoqun göstəricisini iki dəfə üstələyir.

Emil Hüseynov

Metbuat.az

ƏVVƏLKİ XƏBƏR

Tərtər Olimpiya İdman Kompleksinin tikintisi yekunlaşıb

SONRAKI XƏBƏR

“Real həyat -real incəsənət” rəsm müsabiqəsinə qeydiyyatın başa çatmasına iki gün qalıb