Yapon alimlərindən açıqlama: "Virusun yayılmasının başqa yolu var"

Yapon alimlərindən açıqlama: "Virusun yayılmasının başqa yolu var"

Çindənmeydana gələn koronavirus qısa zamanda dünyaya yayılması və sürətlə can alması hər kəsin qorxusuna səbəb olub. Ölümcül virusun necə yoluxduğuna dair suallar hələ də gündəmdə qaldığı bir vaxtda Yapon alimlərindən virusun yoluxması ilə bağlı açıqlama gəlib.

Unikal.org Yaponiya KİV-ə istinadən xəbər verir ki, yapon alimləri virusun çox sürətlə yayıldığını və havada “mikropartiküllər” vasitəsi ilə qaldığını bildiriblər.

Yaponiya İnfeksion Xəstəliklər Agentliyinin prezidenti Kazuhiro Tateda açıqlamasında insanların bir-biriləri ilə yaxın təmasda olması, öskürək və ya asqıraq vasitəsilə ötürüldüyünü qeyd edib.

Həmçinin də, “Düşünürük ki, infeksiyalar mikropartiküllərdən qaynaqlanır. Bu yayılma mexanizmini “mikro damcı infeksiyası” adlandıra bilərik” deyə Kazuhiro Tateda bildirib.

Qeyd edək ki, Ümumdünya Səhiyyə Təşkilatı (ÜST), koronavirusun hava ilə daşınmasının mümkün olmadığını bildirərək, virusun öskürək, asqırmaq və ya danışarkən yoluxa biləcəyini bildirmişdi.

Mənbə: www.unikal.org