Avropa İttifaqı BMT tərəfindən Liviyaya tətbiq olunan silah embarqosuna nəzarət etmək üçün Aralıq dənizində yeni missiya başladıb. Ordu.az xarici KİV-lərə istinadən xəbər verir ki, yeni missiya aprelin 1-dən etibarən rəsmi olaraq fəaliyyətə başlayıb.

Bildirilir ki, “İrini” adlanan dəniz missiyası martın 20-də başa çatan “Sophia” əməliyyatını əvəz edəcək.

“Bu missiyanın necə həyata keçiriləcəyi ilə bağlı altı həftəlik mürəkkəb və çətin danışıqlar həyata keçirilib. Artıq bütün texniki detallar barədə razılığa gəlilib”, - deyə İttifaqın xarici əlaqələr üzrə nümayəndəsi Cozef Borell bildirib.

Sevinc Əliyeva
Ordu.az

Mənbə: ordu.az