Ens.az bildirir ki, Stanford Tibb Məktəbinin professoru İan Braunun ilkin analizinə görə, COVID-19 olan hər beş nəfərdən biri digər tənəffüs viruslarına da yoluxur. Əldə edilən məlumatlar, virus tənəffüs xəstəliyinin başqa tipinə tutulmuş insanın COVID-19-a yoluxma ehtimalı olmadığına dair fərziyyələri rədd edir.

Təhlillər göstərib ki, tənəffüs virusu diaqnozu qoyulan hər on nəfərdən biri COVID-19 koronavirusu ilə yoluxub.

"Hazırda xəstədə hər hansı tənəffüs virusu üçün müsbət test varsa, onun COVID-19 olmadığına inanırıq" deyib MBBS, tibb və biotibbi məlumatlar dosenti Nigam Şah. "Lakin, tədqiqatda ortaq yoluxma səviyyəsini nəzərə alsaq, bu yanlış fərziyyədir."

Yoluxmuş insanları müəyyənləşdirmək və xəstəliyin yayılmasını yavaşlatmaq üçün SARS-CoV-2 koronavirus üçün dəqiq və sürətli bir sınaq lazımdır. Birgə yoluxma ehtimalını anlamaq bu müddətdə vacib bir addımdır.

"Xəstəxanalarda COVİD sınağından keçmək məhdudiyyətsiz deyil" deyib Broun. "Tənəffüs simptomları olan bir xəstə əvvəlcə COVID-19 ilə əlaqəli olmayan bir virusa görə yoxlanıla bilər. Qrip və ya rinovirus, yaxud da başqa bir tənəffüs virusu diaqnozu varsa, həkimlər koronavirus üçün test etmədən, alternativ bir diaqnozun simptomlarının səbəb olduğu qənaətindədir. "

Həm SARS-CoV-2, həm də digər tənəffüs viruslarını sınaqdan keçirən insanlardan, COVID-19 təsdiqlənmiş 49 hadisədən on birinin (22%) hər iki növ virusa yoluxduğu aşkar edilib.

Mənbə: www.ens.az