194 mindən çox işçinin evdən çıxmasına icazə verildi

194 mindən çox işçinin evdən çıxmasına icazə verildi

Xüsusi karantin rejimi ilə əlaqədar Elektron Hökümət Portalına (icaze.e-gov.az) 4 aprel saat 09:00-a qədər olan məlumata əsasən, 13 min 734 qurum tərəfindən 199 min 843 icazə daxil edilib.

Azvision.az portala istinadən bildirir ki, qurum tərəfindən 194 min 796 icazə təsdiqlənib. Ümumilikdə, 73 min 623 maşın üçün icazə verilib.

Qeyd edək ki, “Xüsusi Karantin Rejiminin Tətbiqi Zamanı İcazələrin Alınması və Monitorinqi Sistemi”ni Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan Elektron Hökumətin İnkişafı Mərkəzi Daxili İşlər Nazirliyi ilə birgə ərsəyə gətirib.

Mənbə: www.ens.az