Yeni “Mi TV 43” televizor modeli nümayiş olunub

"Xiaomi" şirkəti "Mi TV 43" smart televizorunun yeni modelini təqdim edib.

Milli.Az ictnews.az-a istinadən bildirir ki, "E43K" model nömrəsinə malik "Mi TV 43" Çində 155 dollara təklif olunur. Bunadək 43 düymlük digər "Xiaomi" modelləri, o cümlədən "E43X", "E43C" və "E43A" mövcud olsa da, onların minimal qiyməti 169 dollar təşkil edib.

Bu məbləği ödəyən istifadəçi 43 düym diaqonallı ekran, 1920 х 1080 piksel təsvir ölçüsü, nazik çərçivə, eləcə də "DTS Sound" texnologiyalı stereodinamiklərlə təchiz edilən televizor əldə edəcək.

Yeni modelin əsasını 64 bitlik ikinüvəli platforma, 1 giqabaytlıq operativ və 8 giqabaytlıq quraşdırılmış yaddaş təşkil edir. Televizor "Wi-Fi" vasitəsilə simsiz məlumat ötürməni dəstəkləyir. Əvvəlki bahalı modellərdən fərqli olaraq "Bluetooth" dəstəyi nəzərdə tutulmayıb.

 

Qeyd olunur ki, televizoru çoxlu avadanlığa, o cümlədən kompüter, oyun konsolu, audiosistem və s. qoşmaq mümkündür. "Mi TV 43" modeli böyük kontent bazasından istifadə ilə yanaşı, "ağıllı" ev qurğularını idarə etməyə imkan verən "PatchWall" proqram təminatından istifadə edir.

Milli.Az

Milli.az

ƏVVƏLKİ XƏBƏR

QORXULU ANLAR: Cəsəd 30 saat küçədə qaldı

SONRAKI XƏBƏR

Bir sıra şirkətlər yeni sürətli məlumat ötürmə standartını dəstəkləyib