Elon Muskdan Tesla Roadster açıqlaması: 3 raket mühərriki olacaq

Elon Muskdan Tesla Roadster açıqlaması: 3 raket mühərriki olacaq

Tesla və SpaceX şirkətlərinin sahibi Elon Musk Tesla Roadster SpaceX paketi haqqında yeni detallar açıqlayıb.

TED.az Türkiyə məbuatına istinadən xəbər verir ki, satışa çıxması maraqla gözlənilən Tesla Roadsterin gövdəsində kiçik raket mühərrikləri (Cold gas thruster) yer alacaq.

Qeyd edək ki, bir müddət əvvəl sözügedən mühərriklərin dövlət nömrə nişanının arxasına yerləşdiriləcəyi deyilirdi. Bu barədə danışan şirkət rəhbəri bildirmişdi ki, həmin mühərriklər avtomobili daha sürətli və performanslı hala gətirəcək.

Yenidən eyni mövzuya qayıdan baş direktor vurğulayıb ki, bu mühərriklərdə çox yüksək təzyiqlə sıxılmış havadan istifadə ediləcək.

Birdən çox mühərrik olacağını, ancaq əsas itələyici mühərrikin avtomatik aşağıya enəcək arxa nömrənin altında yerləşdiriləcəyini deyən E.Musk Tesla Roadster-in normal halı ilə də nəfəs kəsəcəyini qeyd edib.

Əlavə məlumat üçün bildirək ki, Tesla Roadster 100 km/s sürət həddinə cəmi 1,9 saniyədə çata bilir. Üç mühərrikə malik elektrokar maksimum 400 km/s ürət yığır. Bundan başqa, model 1000 km mənzilə sahibdir. 200 kWh batareyası olan superkarın qiyməti 250.000 dollar olacaq.

Mənbə: ted.az