Arktikada yosun və palçıqdan ibarət yumru toplar (daş kimi möhkəm olduğu üçün biz onları daş adlandıracağıq) naməlum səbəbdən kollektiv şəkildə hərəkət edirlər. Alimlər hələ ki, onların hərəkətinin hansı fiziki qanuna tabe olduğunu anlaya bilməyiblər.

Bizimyol.info nat-geo.ru-ya istinadən xəbər verir ki, Arktika buzlaqlarında müşahidə olunan bu çox saylı yosun daşlar 10 il öncə yaranmağa başlayıb və onlar sürü şəklində hərəkət edirlər. Aydaxo Universitetinin mütəxəssisləri doktor Rut Qleyşerin rəhbərliyi altında onların hərəkət traektoriyasını izləyir.

“Bu yumurtaya bənzəyən palçıq və yosunun qarışımından yaranıb daş kimi bərkimiş konqlomeratlar buzlaqda bir neçə ərazidə müşahidə olunur. Bu daşlar onurğasız canlılar üçün əsas yaşam mənbəyi hesab oluna bilər. Dörd il apardığımız müşahidələr göstərib ki, onların sürəti gündə 2,5 santimetr təşkil edir. Bu bir daş üçün böyük sürət hesab olunur. Bununla yanaşı onların hərkəti necəsə koordinasiya edilib. Hamısı eyni sürət və eyni istiqamətdə hərəkət edir, daha sonra kollektiv şəkildə istiqamətlərini dəyişirlər. Buzlağın hərəkətini araşdıraraq o qənaətə gəldik ki, bu daşların hərəkəti buzlağın maililiyi ilə əlaqədar deyil. Sirli hərəkətverici qüvvə geniş tədqiqat mövzusu olmalıdır”,- deyə doktor Rut Qleyşer bildirib.

 

 

It's friday at the end of the semester.

That means it's time to ponder one of the great, enduring mysteries of cryospheric science and ecology: What controls the herd-like, coordinated, motion of glacier moss balls?

Just published: https://t.co/tHPJbjIlLv pic.twitter.com/m5ZzD9GTa0

— Tim Bartholomaus (@TimBartholomaus) May 15, 2020

 

İlhamə

Mənbə: www.bizimyol.info