Moskva, 2 iyun, AZƏRTAC
Rusiya Müdafiə Nazirliyi koronavirusa qarşı peyvəndin kliniki sınaqları üçün könüllülər seçib.
AZƏRTAC xəbər verir ki, 50 hərbçi, o cümlədən beş qadın nazirliyin Mərkəzi Elmi Tədqiqat İnstitutunda Rusiya alimlərinin hazırladığı peyvənd preparatının sınaqlarında iştirak edəcək.
Qeyd edək ki, koronavirus xəstələrinin sayına görə Rusiya dünyada 3-cü yeri tutur. Ölkədə 414 min 878 COVID-19 xəstəsi qeydə alınıb, indiyədək 175 mindən çox xəstə sağalıb, 4855 nəfər vəfat edib.
Fəridə Abdullayeva
AZƏRTAC-ın xüsusi müxbiri
Moskva
AZERTAG.AZ :Rusiya Müdafiə Nazirliyi koronavirusa qarşı peyvəndin kliniki sınaqları üçün könüllülər seçib
Mənbə: azertag.az