Ukraynanın “Ukroboronprom” dövlət konserninin nəzdindəki “Nikolaev” adına təyyarə təmiri zavodu Pakistan Hərbi Hava Qüvvələrinin İl-78 yanacaqdoldurma təyyarəsini təkmilləşdirəcək. Ordu.az xəbər verir ki, bu barədə Ukraynanın dövlət “Ukrspetsexport” şirkəti məlumat yayıb.
Məlumata görə, şirkət Pakistanla yanacaqdoldurma təyyarəsinin təmiri və modernləşdirilməsi barədə saziş imzalanıb.
İlkin müqavilədə bir təyyarənin modernləşdirilməsi nəzərdə tutulsa da, ümumi müqavilə 30 milyon dollardan yuxarı olan daha iki İl-78 təyyarəsini əhatə edir. Qalan ikisi üçün müqavilə ilk müqavilənin nəticələrinə əsasən imzalanacaq.
Sevinc Əliyeva
Ordu.az

Mənbə: ordu.az