Apple şirkəti koronavirusa görə daha 30 mağazasını bağlayır

Apple şirkəti bir neçə ştatda xəstəlik sayının artmasına görə yenidən ABŞ-da 30-dan çox mağazanı bağlayacaq.

Milli.Az ted.az-a istinadən bildirir ki, bəzi ştatlarda koronavirus vəziyyətinə görə, müvəqqəti olaraq mağazaların bağlanmasına start verilib. Alabama, Kaliforniya, Corcia, Aydaho, Luiziana, Nevada və Oklahoma ştatlarında olan mağazalar bağlanacaq.

Florida, Missisipi, Texas və Yuta ştatlarında artıq mağazalar bağlanıb.

Qeyd edək ki, Apple koronavirusun yayılmasına mane olmaq üçün mağazalarını bağlayan ilk şirkətlərdən biri idi. Bu yaxınlarda mağazalar sanitariya standartlarına uyğun olaraq açılmağa başladı, lakin koronavirus infeksiyasına yoluxanların sayının artmasına görə şirkət yenidən satış nöqtələrini bağlamaq məcburiyyətində qalıb.

Koronavirusun yayılması üzrə ABŞ dünyada birinci yerdədir: demək olar ki, 2,8 milyon nəfər yoluxub, 1,1 milyonu sağalıb, 130 min insan ölüb.

Milli.Az

Milli.az

ƏVVƏLKİ XƏBƏR

Təyyarə sərnişinlərinin COVID-19 üçün yoxlamadan keçə biləcəyi laboratoriyaların siyahısı genişlənib

SONRAKI XƏBƏR

Azərbaycan üzrə sosial şəbəkələrin istifadəçi fəallığı açıqlandı