Onlayn mağazaların bir ildən çox axtardığı sirli alıcı tapıldı

Con Smit adı ilə tanınan istifadəçi onlayn mağazalarda sifariş verib heç bir əşyanı almadan səhifələri tərk edirdi. Bundan narahat olan satış platformaları Con Smitin fəaliyyətini hakerlik və ya rəqib şirkətlərin apardığı siyasətin addımı kimi qiymətləndirirdilər.

Bir ildən çoxdur ki, axtarılan bu sirli alıcı tapılıb.

Milli.Az ted.az-a istinadən bildirir ki, həmin istifadəçinin İP ünvanı araşdırılıb və onun Google korporasiyasının botu olduğu məlum olub.

Con Smitin fəaliyyəti internet mağazalarının reklam və digər mühüm biznes qərarlarının qəbul edilməsi üçün istifadə etdiyi analitikanı təhrif edir.

Google şirkətindən verilən açıqlamaya görə, botun məqsədi mağazalarda təqdim olunan vergi miqdarı və çatdırılma qiymətləri ilə tanış olub Google Shopping platformasının qiymətlərini dünya bazarı səviyyəsinə uyğunlaşdırmaqdır.

"Biz istehlakçıların qiymətlər haqqında dəqiq məlumatları satıcılardan almasını təmin etmək üçün avtomatlaşdırılmış sistemlərdən istifadə edirik", - deyə, şirkətin nümayəndələri bildiriblər.

Milli.az

ƏVVƏLKİ XƏBƏR

Türkiyə Superliqası: 30-cu tur - "Beşiktaş"dan sürpriz məğlubiyyət

SONRAKI XƏBƏR

Bu ölkə komendant saatına keçir, xəstəxanalarda yer yoxdur