“Hərbi tibbi müayinədən keçməzdən əvvəl oğlumun görmə probleminin olduğunu qeyd edib, lakin buna əhəmiyyət verən olmayıb və oğlumu Ağdərəyə (işğal altında olan – red.) xidmətə göndəriblər”. Ordu.az erməni KİV-lərinə istinadən xəbər verir ki, bunu yanvarın 8-də Ermənistanda orduya çağırılmış Gevorq Hambardzumyanın anası Tehmine Qumrikyan bildirib.
“Hərbi tibbi müayinədən keçərkən oğlumda “keratokonus” göz xəstəliyinin olduğunu aşkar etməyiblər və orduya çağırıblar”, - deyə Tehmine Qumrikyan bildirib.
Qumrikyan qeyd edib ki, yanvarın 20-də, xidmət zamanı Gevorq Hambardzumyanı atəş açmağa aparıblar, o atəş aça bilməyib, onun görmə qabiliyyəti daha da pisləşib.
Mənbə: ordu.az