Filippin Hərbi Hava Qüvvələri bu ay Braziliyanın “Embraer” şirkəti tərəfindən istehsal edilən 6 ədəd yeni A-29 “Super Tucano” yüngül hücum təyyarəsi əldə edəcək. Ordu.az xəbər verir ki, bu barədə Filippin Xəbər Agentliyi (PNA) məlumat yayıb.
Qeyd olunur ki, təyyarələrin alınması üçün müqavilə 2017-ci ilin noyabr ayında imzalanıb.
Dünyanın 15 ölkəsi tərəfindən istifadə olunan təyyarələr müxtəlif raket və silah sistemləri ilə təchiz edilib.
Maksimum sürəti saatda 593 kilometr olan A-29 təyyarələri 969 kVt gücündə olan PT6A-68A mühərriki ilə təchiz edilib.
Sevinc Əliyeva
Ordu.az
Mənbə: ordu.az