5G şəbəkələrinin yalnız ayrı-ayrı dövlətlərdə yayılmasına baxmayaraq, Cənubi Koreyanın Samsung şirkəti yeni 6G standartları ilə bağlı fikirlərini artıq təqdim edib.
BiG.AZ-ın RG-yə istinadən verdiyi xəbərə görə, şirkət 6G-nin kommersiya istifadəsinə 2028-ci ildə başlamağı planlaşdırır. İstehlakçıların isə yeni rabitə standartından 10 il sonra - 2030-cu ildə istifadə edə biləcəkləri ehtimal olunur.
Eyni zamanda, 6G şəbəkəsinin tam olaraq necə işləyəcəyi hələ məlum deyil.
Beynəlxalq Telekommunikasiya İttifaqı bu istiqamətdə işə gələn ildən başlayacaq.
Cənubi Koreyanın hesabatında 2G-dən 5G-yə keçidlə müqayisədə yeni rabitə standartlarının daha tez müddətdə hazırlandığı qeyd olunur.
6G standartında məlumat ötürmə sürəti 1000 Gbit/s-ə qədər artmalıdır. Gecikmə isə 0.1 ms-ə qədər azalacaq.
Mütəxəssislər hesab edir ki, 6G-nin əsas "müştərilər"i insanlar və maşınlar olacaq. Bundan əlavə, "Ulduz müharibələri" (" Star Wars") filmində göstərilən yüksək keyfiyyətli holoqramlar da meydana çıxacaq.
Natəvan Baxşiyeva
Mənbə: big.az