ABŞ-ın “United States Marine Inc” şirkəti Azərbaycana 15 ədəd partlayıcı sursatların zərərsizləşdirilməsi üçün nəzərdə tutulan çoxməqsədli katerlər (Multi-Use EOD Response Craft) tədarük edəcək. Ordu.az xəbər verir ki, bu barədə avqustun 4-də Pentaqonun saytında məlumat yayılıb.

Bildirilir ki, katerlərin tədarük edilməsi üçün 7.57 milyon dollarlıq müqavilə imzalanıb. Müqavilənin icrasına arasında ABŞ Hərbi Dəniz Qüvvələrinin Dəniz Sistemləri Komandanlığı nəzarət edəcək.

Müqavilədə nəzərdə tutulacaq işlər Missisipi ştatının Qulfport şəhərində həyata keçiriləcək. 9 metrlik katerlərin tədarükünün 2022-ci ilin aprelinə qədər başa çatacağı gözlənilir.

Sevinc Əliyeva 
Ordu.az

Mənbə: ordu.az