Daha bir zirehli texnika Türkiyə Silahlı Qüvvələrinə təhvil verilib.

Axar.az xəbər verir ki, bunu Türkiyə Administrasiyasının Müdafiə sənayesi şöbəsinin rəhbəri İsmayıl Dəmir deyib.

“Tədarüklər tam sürətlə davam edir. Nəhayət “Vuran” tipli təkərli zirehli avtomobillərin yeni modelləri Türkiyə Silahlı Qüvvələrinə təhvil verilib”, - İ.Dəmir bildirib.

Qeyd edək ki, 9 nəfərlik heyəti daşıya bilən “Vuran” saatda 110 km sürətlə hərəkət edə bilir. Bundan başqa, 60 faiz dik yamaca qalxma, 30 faiz yan yamac və 80 santimetrlik sudan keçmək xüsusiyyətlərinə malikdir. Avtomobillər uzaqdan idarə olunan silah və yanğınsöndürmə sistemləri, eyni zamanda kondisioner avadanlıqları ilə təchiz olunub.

Mənbə: axar.az