Məşhur analitik Trump-ın qərarının texnoloji satışlara təsirini şərh etdi

Məşhur analitik Ming-Chi Kuo-nun fikrincə, ABŞ prezidenti Donald Trump-ın TikTok və WeChat-ı qadağan edən qərarları gələcəkdə iPhone satışları üçün ciddi təhlükə yaradacaq.

Milli.Az ted.az-a istinadən bildirir ki, TF International Securities şirkətində çalışan analitikin fikrincə, bu qərar Çinin Tencent formasını hədəf alıb. O bildirib ki, bu embarqo iki ssenaridən birini həyata keçirir:

WeChat App Store-nin xidmət etdiyi bütün ölkələrdən silinsə, iPhone satışları 25-30% aşağı düşəcək. Bununla yanaşı, AirPods, iPad, Apple Watch və Mac satışlarında da 15-25% azalma gözlənilir.

Digər ssenari isə WeChat-ın yalnız ABŞ üçün hazırlanan Apo Store-dən silinməsi ilə bağlıdır. Kuo-nun fikrincə, tətbiq qlobal embarqoya məruz qalmadan və yalnız ABŞ-da qadağan olunsa, iPhone satışları 3-6% ziyanla qurtula biləcək.

Qeyd edək ki, Apple-ın gəlirinin 15%-i təmin edən Çin onun bazar payında önəmli rol oynayır.

Milli.az

ƏVVƏLKİ XƏBƏR

Beynəlxalq Gənclər Gününə həsr olunmuş konfransda Azərbaycan həqiqətləri Avropa Gənclərinin diqqətinə çatdırıldı (FOTO)

SONRAKI XƏBƏR

Binəqədi rayonunda yük maşını qəza törətdi - VİDEO