Xiaomi Mi 10 Ultra antibakterial örtüklə birgə təqdim olunacaq

Xiaomi Mi 10 Ultra antibakterial örtüklə birgə təqdim olunacaq

Xiaomi 10-un ildönümünə özəl olaraq hazırlanan Xiaomi Mi 10 Ultra antibakterial örtüklə birlikdə satışa çıxarılacaq.

Milli.Az ted.az-a istinadən bildirir ki, Xiaomi-nin bu yeniliyini koronavirus pandemiyası ilə əlaqələndirənlər az deyil.

Yeni model barədə hələlik dəqiq rəsmi məlumat verilməsə də, onun 120 Hz yenilənmə sürətinə sahib olduğu bildirilir. Smartfon AMOLED ekrana sahib olmaqla yanaşı, Qualcomm-un Snapdragon 865 prosessorundan güc alır. Yeni modelin satışdakı ən yaxşı kameraya sahib telefon olacağı ehtimal olunur. Xiaomi Mi 10 Ultra 100W sürətli enerji dəstəyinə sahibdir.

Qeyd edək ki, Xioami antibakterial örtük istehsal edən yeganə şirkət deyil. Eyni texnologiyanı Samsung da Galaxy Note 20-də tətbiq edib.

Milli.Az

Mənbə: news.milli.az