Rusiya oktyabrda MDB ölkələri ilə hava nəqliyyatını bərpa edə bilər

Rusiya hökuməti oktyabrda MDB ölkələri ilə hava nəqliyyatını bərpa edə bilər.

APA-nın Rusiya bürosunun “Sputnik-Uzbekistan” agentliyinə istinadən verdiyi məlumata görə, bu barədə məlumatlı mənbə bildirib.

Mənbənin bildirdiyinə görə, Rusiya hakimiyyəti oktyabrda MDB ölkələrinin paytaxtları ilə hava nəqliyyatının bərpasını mümkün hesab edir. İlk növbədə Nur-Sultan, Daşkənd, Bakı və İrəvanla hava nəqliyyatının bərpa olunması nəzərdə tutulur.

Qeyd edək ki, koronavirus pandemiyasına görə bu ilin martın 18-dən Rusiya MDB ölkələri ilə sərhədini bağlayıb, bütün müntəzəm və çarter reysləri dayandırılıb.

Apa.az

ƏVVƏLKİ XƏBƏR

Yunanıstanın ön şərt olmadan bütün dialoq kanallarını canlandırmasını gözləyirik - Mövlud Çavuşoğlu

SONRAKI XƏBƏR

Həmkarlar ittifaqı ölkə başçısı ilə görüşmək istəyir