MasallI, 24 sentyabr, Bağır Əliyev, AZƏRTAC
Prezident İlham Əliyevin tapşırıqlarına əsasən regionlarda vətəndaşların rahat gediş-gəlişinin təmin olunması istiqamətində yol infrastrukturunun yenilənməsi ilə bağlı ardıcıl tədbirlər həyata keçirilir.
AZƏRTAC-ın bölgə müxbiri xəbər verir ki, Ələt-Astara magistralının Masallı şəhərinin ərazisindən keçən hissəsində - Bakı prospektində uzunluğu 3,2 kilometr yolda Azərbaycan Avtomobil Yolları Dövlət Agentliyi tərəfindən yenidənqurma və təmir işlərinə başlanıb.
Yenidənqurma işləri çərçivəsində prospekt boyu asfalt-beton örtüyünün üst qatı frezlənərək kənara daşınır, səkilər bərpa olunur, zəruri yerlərdə yeniləri ilə əvəzlənir. Yolda asfalt-beton örtüyünün üst qatının frezlənməsi işi başa çatdıqdan sonra yeni asfalt-beton örtüyünün döşənməsi işlərinə başlanılacaq. Prospekt zəruri yol nişanları, üfüqi nişanlanma xətləri və piyada zolaqları ilə təmin olunaraq vətəndaşların istifadəsinə veriləcək.
Mənbə: azertag.az