“Boeing 737 MAX” bu ilin sonunadək uçuşlarını bərpa edə bilər

Bakı. Trend:

“Boeing 737 MAX” bu ilin sonunadək Avropada uçuş icazəsi ala bilər.

Trend-in məlumatına görə, bunu Avropanın Aviasiya Təhlükəsizliyi Agentliyinin icraçı direktoru Patrik Kay deyib.

O bildirib ki, Avropa bu təyyarələrin uçuş qadağasını yalnız ABŞ-ın Federal Aviasiya İdarəsinin müvafiq qərarından sonra götürə bilər. ABŞ tərəfinin “Boeing 737 MAX”la bağlı qərarının noyabr ayında verilməsi gözlənilir.

Xatırladaq ki, 2018-ci ilin noyabrında İndoneziyada və 2019-cu ilin martında Efiopiyada “Boeing 737 MAX” təyyarələnin qəzaya uğramasında sonra həmin modellərin uçuşuna qadağa qoyulmuşdu. Bu qəzalarda müvafiq olaraq 189 və 157 nəfər həlak olmuşdu.

Trend.az

ƏVVƏLKİ XƏBƏR

“Hər dəfə çempionata eyni səviyyədə başlamaq olmaz” - Qurban Qurbanov

SONRAKI XƏBƏR

ÜST koronavirusdan ölüm sayını proqnozlaşdırdı