Bakı, 28 sentyabr, AZƏRTAC
Auditorlar Palatası Şurasının videokonfrans formatında növbəti iclası keçirilib.
Palatanın mətbuat xidmətindən AZƏRTAC-a bildirilib ki, şura üzvlərinin və palatanın kurası yanında komitə sədrlərinin iştirak etdiyi videokonfransda auditor təşkilatlarının və sərbəst auditorların 2020-ci il üzrə birinci yarımillik hesabatlarının toplanması, təhlili və icmal-tövsiyələrin hazırlanması, “Auditor fəaliyyətində haqsız rəqabət hallarına qarşı mübarizəyə dair təlimat”ın layihəsi, Auditorlar Palatası ilə Azərbaycan Qiymətləndiricilər Cəmiyyəti arasında əməkdaşlıq sazişinin layihəsi müzakirə olunub və müvafiq qərarlar qəbul edilib.
AZERTAG.AZ :Auditorlar Palatası ilə Qiymətləndiricilər Cəmiyyəti əməkdaşlıq sazişinin layihəsini müzakirə edib
Mənbə: azertag.az