“Azəriqaz” Əhməd Rəhmanovun şikayətinə cavab verdi: "Əsassızdır"

Qurumun İctimaiyyətlə Əlaqələr şöbəsinin rəisi Ceyhun Səfərovun imzası ilə Mia.az-a daxil olan cavab məktubuna görə, “Əlilliyin qarşısının alınması, əlillərin reabilitasiyası və sosial müdafiəsi haqqında” Azərbaycan Respublikasının Qanununun Maddə 29. Əlillərin əmək şəraiti bölməsinin tələbinə əsasən, əlillərin iş vaxtından artıq işlərə, istirahət günləri və gecə vaxtı işləməyə cəlb edilməsinə yalnız onların razılığı ilə və bu şərtlə yol verilir ki, belə işlər tibbi tövsiyələrdə qadağan edilməsin:

"Həmçinin müvafiq qanunvericilikdə I və II qrup əlillər üçün həftədə 36 saatdan çox olmayan qısaldılmış iş vaxtı müəyyən edilir. TSEK tərəfindən Ə.Rəhmanova verilən sənəddə 2-ci dərəcəli əlil və əmək qabiliyyətsiz olmağı əsas götürülərək onun növbəli işdə işləyə bilməyinə rəy verilməsi məqsədilə Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Tibbi Sosial Ekspertiza və Reabilitasiya Xidmətinə müraciət edilmişdir. Buna əsas isə Ə.Rəhmanovun özünün növbəli işdə işləmək tələbi olmuşdur. Dövlət Tibbi Sosial Ekspertiza və Reabilitasiya Xidməti tərəfindən hal-hazırki vaxta kimi məktuba cavab verilməmişdir, verilən rəyə uyğun olaraq Ə.Rəhmanovun tələbi İstehsalat Birliyi tərəfindən cavablandırılacaqdır.

Yazıda qeyd edilən partlayış xarakterli işlərə görə əlavə ödənişlərin “Azəriqaz” İstehsalat Birliyi tərəfindən edilməməsi fikrinə cavab olaraq bildiririk ki, qanunvericilikdə nəzərdə tutulmuş qaydada əmək şəraiti təhlükəli, zərərli olan işlərdə və ağır işlərdə məşğul olan işçilərə güzəştlərin və kompensasiyaların verilməsinin əsaslandırılması məqsədilə Azərbaycan Respublikasının Əmək Məcəlləsinin 64, 67 və 222-ci maddələrinə və Azərbaycan Respublikası Nazirlər Kabinetinin 6 mart 2000-ci il tarixli, 38 nömrəli “İş yerlərinin attestasiyasının keçirilməsi Qaydalarının təsdiq edilməsi haqqında” Qərarına əsasən, mülkiyyət və təşkilati-hüquqi formasından asılı olmayaraq respublika ərazisində yerləşən müəssisə və təşkilatlarda mövcud olan bütün iş yerləri 5 ildə bir dəfədən az olmayaraq attestasiyadan keçirilməlidir.

Qeyd edilən qanunvericiliyə əsasən ARDNŞ-nin 14 sentyabr 2012-ci il tarixli 126 saylı əmri ilə təsdiq edilmiş “ARDNŞ-nin strukturuna daxil olan müəssisə və təşkilatlarda iş yerlərinin attestasiyasının aparılması qrafikinə uyğun olaraq “Azəriqaz” İB və Ə.Rəhmanovun hal-hazırda işlədiyi Bakı Regional Qaz İstismarı Departamenti üzrə iş yerlərində istehsalat amillərinin zərərli parametrlərin səviyyəsinin müəyyən edilməsi üçün aparılmış instrumental ölçmə işlərinin nəticəsində 109 iş yeri attestasiya olunmuş və onun işlədiyi “Qaz avadanlıqlarının təmiri və istismarı üzrə çilingər peşəsi”də daxil olmaqla zərərli iş yeri müəyyən edilməmişdir. Respublikada qüvvədə olan qanunvericiliyə əsasən partlayış xarakterli işlərdə və ya digər işlərdə işləyən işçilərə əlavə ödənişlər iş yerlərinin attestasıyasının nəticələrinə görə müəyyən edilir. Odur ki, Ə.Rəhmanovun iddiası əsassızdır".

Mia.az

ƏVVƏLKİ XƏBƏR

Beynəlxalq Hava Nəqliyyatı Assosiasiyası aviaşirkətlərin itkiləri barədə

SONRAKI XƏBƏR

Ağdamı Qafqazın Dubayına çevirmək olar