Vüqar Bayramov: “Bir ildə Laçında 27 milyon manatlıq məhsul istehsal olunub”

“Azərbaycan üçün mühim strateji əhəmiyyət daşıyan Laçın rayonu yenidən bizdədir”.

Cebhe.info-nun xəbərinə görə, bu barədə millət vəkili Vüqar Bayramov bildirib:

“28 il öncə 264 vətəndaşımızın şəhid olduğu, 65 nəfərin girov düşdüyü və 103 sakinin əmək qabiliyyətini itirdiyi döyüşlərdən sonra Laçın rayonu Ermənistan silahlı qüvvələri tərəfindən işğal olunmuşdu. İşğaldan sonra 66 minə yaxın Laçın sakini ölkəmizin 59 şəhər və rayonlarında məskunlaşdı. Bu gün artıq Laçın azaddır.

Laçın rayonu iqtisadi potensialına görə Azərbaycanda xüsusi seçilən bölgələrimizdəndir. İşğaldan öncə rayonda əsas inkişaf etmiş sahə kənd təsərrüfatı, xüsusilə də heyvandarlıq idi.

Bununla yanaşı, meyvəçilik, tütünçülük, üzümçülük, taxılçılıq, arıçılıq inkişaf etmiş sahələrindən hesab olunurdu. İşğaldan öncə Laçın rayonunda fəaliyyət göstərən sənaye müəssisələri daha çox xammal növlərinin emalına əsaslanmışdı. Laçın həmçinin zəngin təbii ehtiyatlara malikdir. Belə ki, Laçın rayonunda civə, xromit, mərmər, üzlük tikinti daşları və digər faydalı qazıntı ehtiyatları var”.

Vüqar Bayramov bildirir ki, 28 illik işğal Laçın rayonun potensialından istifadəyə imkan vermədi:

“Dövlət Statistika Komitəsinin məlumatına görə, Laçın rayonuna məxsus müəssisə və təşklatlarda 2019-cu ildə cəmi 27 milyon 326 min manatlıq məhsul istehsal olunub. İşğal nəticəsində Laçın rayonuna dəyən ziyan on milyard dollarla ölçülür. Artıq Laçın bizimdir. Bu dəfə daimi”.

Xatirə

Cebhe.info

ƏVVƏLKİ XƏBƏR

"Müharibə genişlənsə, Rusiya fəal iştirak edəcək" - POLİTOLOQ

SONRAKI XƏBƏR

Azərbaycan Ordusu adını dünya hərb tarixinə yazdı: Ordumuz hansı düşməni, necə məğlub edib? - TƏHLİL