Azərbaycanda notariusların qazancı - KƏSKİN AZALIB

2020-ci ildə Azərbaycanda notariuslarda aparılan əməliyyatların sayında və bu əməliyyatlardan əldə edilən ödənişlərin həcmində ciddi azalma baş verib.

FED.az xəbər verir ki, bu barədə Ədliyyə Nazirliyindəki toplantıda bildirilib.

Məlum olub ki, 2020-ci ildə ölkənin notariuslarında ümumilikdə cəmi 3,9 milyon notariat hərəkəti rəsmiləşdirilib, bu əvvəlki illə müqayisədə 1,4 milyon və ya 26% azdır.

Ötən il evlənib boşananların sayında da artım baş verib. Belə ki, 2020-ci ildə 290 min vətəndaşlıq vəziyyəti aktları dövlət qeydiyyatına alınıb. Əvvəlki il isə bunların sayı 327 min olmuşdu.

Notariusdakı əməliyyyatlardan 7 milyon manat toplanıb, 2019-cu ildə isə bu rəqəm 10 milyon idi.

2020-ci ildə Azərbaycanda notariuslarda daşınmaz əmlakla əlaqədar müqavilələr üzrə 36 milyon manatdan çox vergi dövlət büdcəsinə köçürülüb. Bu 2019-cu illə müqayisədə 17 milyon manat və ya 32% azdır.

Azalmaların səbəbi koronavirus pandemiyası və onun qarşısının alınması üçün tətbiq edilən məhddulaşdırma tədbirləridir.

Fed.az

ƏVVƏLKİ XƏBƏR

Bakıda motosiklet avtomobillə toqquşdu: Xəsarət alan var

SONRAKI XƏBƏR

ABŞ bu metalların İrana verilməsini yasaqladı