Ötənilki təbii fəlakətlər dünyaya 210 mlrd. dollara başa gəlib

Ötən il təbii və texnogen fəlakətlərin qlobal iqtisadiyyata vurduğu zərərin dəyəri 210 mlrd. ABŞ dolları təşkil edib.

"APA-Economics"in "Business Insider"ə istinadən verdiyi məlumata görə, bu barədə "Muenchener Rueckversicherungs-Gesellschaft AG" ("Munich Re") təkrar sığorta şirkətinin araşdırmasında deyilir.

Atlantik okeanın şimalında baş verən fırtınalara və ABŞ-ın qərbində qeydə alınan irimiqyaslı meşə yanğınlarından sonra bu göstərici 2020-ci ildə 26,5% artıb.

Ötən il təbii və texnogen fəlakətlər nəticəsində ən çox ziyan ABŞ-a dəyib. Belə ki, hesabat ilində ABŞ-a 95 mlrd. dollar (70,5%-i sığortalanıb), Asiyaya isə ümumilikdə 67 mlrd. dollar (cəmi 3 mlrd. dolları sığortalanıb) ziyan dəyib.

Qeyd edilir ki, sözügedən fəlakətlərin vurduğu ziyanın (210 mlrd. dollar) 82 mlrd. dolları sığortalı idi, bu da 2019-cu illə müqayisədə 43,9% çoxdur.

Apa.az

ƏVVƏLKİ XƏBƏR

Şəhid ailələrinə və əlillərə birdəfəlik yardım göstərilib

SONRAKI XƏBƏR

Ombudsman 20 Yanvar faciəsinin 31-ci ildönümü ilə əlaqədar bəyanat verdi