Dövlət Əmək Müfəttişliyi Xidməti şirkəti cərimələyib

“Az Svay İnşaat” MMC inzibati qaydada cərimələnib.

Qazet.az xəbər verir ki, Yasamal Rayon Məhkəməsi Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin yazdığı protokola əsasən, şirkətin cərimələnməsi barədə qərar çıxarıb.

“Az Svay İnşaat” MMC İnzibati Xətalar Məcəlləsinin 192.1-ci (Əmək Məcəlləsində nəzərdə tutulmuş qaydada əmək müqaviləsi (kontraktı) hüquqi qüvvəyə minmədən işəgötürən tərəfindən fiziki şəxsləri hər hansı işlərin (xidmətlərin) yerinə yetirilməsinə cəlb edilməsinə görə) maddəsi ilə təqsirli bilinib.

Bu inzibati xətaya görə, hüquqi şəxslər 20 000 manatdan 25 000 min manatadək məbləğdə cərimə edilir.
Qərardan verilən şikayətə Bakı Apellyasiya Məhkəməsində baxılır.

“Az Svay İnşaat” MMC svay, beton, bərkitmə, qazma işlərini həyata keçirən şirkətdir.

Qazet.az

ƏVVƏLKİ XƏBƏR

Seyran Ohanyan: “Ermənistan müharibəni “Biz qalib gələcəyik!” şüarı ilə uduzdu” FOTO

SONRAKI XƏBƏR

Honda elektrikli avtomobillər hazırlayır - Modelin biri təpəyə dırmaşacaq