Azərbaycan Respublikası Dövlət Neft Fondunun (ARDNF) istiqrazlar və pul bazarı alətləri portfelinin kredit reytinqləri üzrə təsnifatında ("Cənub Qaz Dəhlizi", Azərbaycan Beynəlxalq Bankı və SOCAR istiqrazlarını çıxma şərti ilə) 2020-ci il 31 dekabr tarixinə birinci yerdə (54,9% ilə) "AAA" reytinqli investisiya alətləri qərarlaşıb.

"APA-Economics"in ARDNF-in 2020-ci ilin yekunlarına dair hesabatına istinadən verdiyi məlumata görə, investisiyaların 13,8%-i "AA" reytinqli, 22,5%-i "A" reytinqli, 7,4%-i "BBB" reytinqli, 1,4%-i isə qeyri-investisiya dərəcəli alətlərinə yatırılıb.

Bundan başqa, yerləşdirmə müddəti üzrə təsnifata əsasən, Fondun investisiyalarının 37%-i 0-1 il, 29,6%-i 1-3 il, 21%-i 3-5 il, 12,4%-i isə 5 ildən artıq müddətinə yerləşdirilib.

Xatırladaq ki, ARDNF-in cəmi investisiya portfeli 43 563,38 mln. manata çatıb.

Mənbə: apa.az