Çinin “Huawei” şirkəti qabaqcıl smartfonların istehsalı üzrə biznesi satmağı planlaşdırır. Bildirilir ki, “Huawei” Şanxay iqtisadi zonasına daxil olan konsorsiumlardan biri ilə danışıqlar aparır. Danışıqların bir neçə aydır davam etdiyi qeyd olunur. Danışıqlar uğurla başa çatacağı təqdirdə Çin şirkəti “Mate” və “P” seriyalı qabaqcıl smartfonların istehsalı üzrə biznesi sataraq diqqəti ucuz smartfonların buraxılışına yönəldəcək.
Məlumatı “Reuters” yayıb.
Hazırladı: Elçin ABBASOV, “Xalq qəzeti”
Mənbə: xalqqazeti.com