Yaxın Şərqdən neft nəqlinin azalması fonunda Rusiya nefti o qədər bahalaşıb ki, hətta Çin belə Afrika və Braziliyada alternativlər axtarmağa başlayıb.
Musavat.com Bloomberg-ə istinadən xəbər verir ki, Rusiyanın ESPO xam neftinin qiymətinin kəskin artması fonunda Çin neft emalı zavodları getdikcə daha çox Anqola, Ekvatorial Qvineya və Braziliyadan neft alır.
Avqustun sonunda Rusiya nefti Asiyada Brent markalı neftə qarşı təxminən 5 dollar baha satılırdı, sentyabrın sonuna qədər bu fərq artıq barel üçün 30 dollara çatıb. Ondan bəri fərq 20 dollara düşsə də, lakin digər bölgələrdən olan neft hələ də rəqabətədavamlı görünür.
Dəniz yükdaşıma xərclərinin azalması dünyanın yarısından gələn daşımaları belə gəlirli edib.
Çin uzun müddətdir Rusiya neftinin əsas alıcılarından biri olub, lakin Rusiya xam nefti qiymət üstünlüyünü itirərsə, onun neft emalı zavodları digər təchizatçılara keçməyə hazırdır.
Bu, Moskva üçün açıq şəkildə əlverişsizdir, çünki bu o deməkdir ki, hətta ən böyük alıcılar belə siyasi həmrəylik naminə Rusiya neftinə həddindən artıq pul ödəmək istəmirlər.
Mənbə: musavat.com
scorpion.az