Türkiyədə qızıl hasilatı rekorda çatıb

Türkiyə 2021-ci ildə qızıl istehsalını 45 tona qədər artırmağı planlaşdırır.

"APA-Economics" xəbər verir ki, bu barədə "Anadolu" agentliyinə Qızıl İstehsalçıları Birliyinin rəhbəri Mehmet Yılmaz bildirib.

O, keçən il pandemiya fonunda Türkiyədə 42 ton qızılın istehsal edildiyini və bunun ölkə iqtisadiyyatına 2,4 mlrd. ABŞ dolları qazandırdığını xatırladıb və bildirib ki, 2020-ci ildə qızıl istehsalı rekord həddə çatıb: "Türkiyə 2020-ci ildə təxminən 25,2 mlrd. dollar dəyərində qızıl idxal edib. Hasilatı artıraraq idxal olunan qızıl miqdarını kompensasiya edə bilsək, bu məbləğ ölkədə qalacaq. Hazırda sektorda 13 min nəfər çalışır. Bəlkə də, biz onların sayını 20 minə çatdıra bilərik".

Birliyinin rəhbəri əlavə edib ki, hədəf beş il ərzində qızıl istehsalını 100 tona çatdırmaqdır.

Apa.az

ƏVVƏLKİ XƏBƏR

Qarabağda yaşayan ermənilərə nə təklif edilir?

SONRAKI XƏBƏR

Gömrük Komitəsi yeni portal yaradıb:Məlumat almaq asanlaşacaq?