Daha 5 dövlət əmlakı özəlləşdirilib

İqtisadiyyat Nazirliyi yanında Əmlak Məsələləri Dövlət Xidmətinin təşkil etdiyi növbəti hərracda 5 dövlət əmlakı özəlləşdirilib. Nazirlikdən "Olaylar"a bildirilib ki, özəlləşdirilən səhmdar cəmiyyətləri və kiçik dövlət müəssisələri Bakı şəhərində, Sabirabad rayonunda və Nefçala şəhərində yerləşir. Onların siyahısı ilə buradan tanış olmaq mümkündür: (https://bit.ly/2Pm3xMo, https://bit.ly/2PydMO1, https://bit.ly/3bPqy1K)

Keçirilən hərraclarda iştirak etmək istəyən şəxslər Xidmətin rəsmi saytına (emlak.gov.az) və ya Özəlləşdirmə portalına (privatization.az) daxil ola, seçim etməklə qeydiyyatdan keçə, dövlət əmlakının ilkin hərrac qiymətinin 10%-i qədər beh ödəyib sifarişçi statusu ala bilər. Sifarişçilərin hərraca onlayn qoşulmaq imkanı da var. Prosesə marağı olanlar da hərrac günü həm Əmlak Xidmətləri Məkanına gəlməklə, həm də Elektron Xidmətlər Portalından (e-emlak.gov.az) "Elektron hərrac" bölməsini seçərək hərracları qeydiyyatsız formada izləyə bilərlər.

 

Olaylar.az

ƏVVƏLKİ XƏBƏR

İşə qəbul zamanı veteran və müharibə iştirakçıları imtiyazlı qrupa daxil edilməyib - Agentlik sədri

SONRAKI XƏBƏR

Gömrükdən keçən avtomobildə qanunsuz spirtli içkilər aşkarlanıb (FOTO)