Azərbaycanla Ukraynanın KOB-ları arasında birgə yol xəritəsinin hazırlanması müzakirə olunub

Ukrayna-Azərbaycan İşgüzar Şurasının Bakıda keçiriləcək ilk iclasında iştirak etmək üçün ölkəmizdə səfərdə olan Ukraynanın Ticarət və Sənaye Palatasının prezidenti Gennadi Çijikov Kiçik və Orta Biznesin İnkişafı Agentliyində (KOBİA) olub.

KOBİA-dan AZƏRTAC-a bildirilib ki, agentliyin İdarə Heyətinin sədri Orxan Məmmədov ilə keçirilmiş görüşdə hər iki ölkənin KOB-ları arasında əlaqələrin gücləndirilməsi üçün birgə yol xəritəsinin hazırlanmasına, KOB-ların iştirakı ilə dövlət-özəl tərəfdaşlıq formatında birgə layihələrə, ikitərəfli ticarət əlaqələrinin genişləndirilməsinə və qarşılıqlı maraq doğuran digər məsələlərə dair fikir mübadiləsi aparılıb.

Görüşdə Ukraynanın Azərbaycandakı səfiri Vladislav Kanevski də iştirak edib.

 

Azertag.az

ƏVVƏLKİ XƏBƏR

"Qəbələ"dən ayrılan futbolçu "Sumqayıt"a keçdi

SONRAKI XƏBƏR

Tovuzda mövqelərimiz atəşə tutuldu - RƏSMİ