Çində ikinci və üçüncü uşağa görə mükafat verilir

Çinin Pançjihua şəhər rəhbərliyi ölkədə ilk olaraq, ailədəki ikinci və üçüncü uşağa görə subsidiya verilməsinə başlayıb.

Bu barədə “South China Morning Post” qəzeti məlumat yayıb.

Məlumata əsasən, subsidiya üç yaşadək olan körpələrə şamil edilir. Qərara görə, ailədə hər ikinci və üçüncü uşağa 500 yuan (131 manat) aylıq yardım veriləcək.

Bununla yanaşı, uşağın dünyaya gəlişinədək onun anası hamilə qadınlar üçün olan bütün xidmətlərdən pulsuz istifadə edə biləcək.

Qeyd edək ki, sözügedən yeniliklər Çində doğumun kəskin azalması ilə bağlıdır. Yaxın zamanda təbii artımın stimullaşdırılması üzrə müvafiq tədbirlərin bütün ölkə miqyasında tətbiq ediləcəyi gözlənilir.

Oxu.az

ƏVVƏLKİ XƏBƏR

Jurnalistlər, dövlət rəsmiləri Füzuli, Hadrut və Şuşada görülən işlərlə tanış olacaqlar

SONRAKI XƏBƏR

Skarlet Yohansson “Disney”i məhkəməyə verib