Yeni menecmentin gəlişindən sonra “Baku Steel Company”-nin vergi borcu üç dəfə artıb İSTEHSALIN VƏ SATIŞLARIN ARTMASINA BAXMAYARAQ...

Bu ilin martında “Baku Steel Company” QSC-yə yeni menecmentin təyin olunmasından sonra müəssisənin vergi borcu təxminən üç dəfə artıb və 6.3 milyon manata çatıb. Bu barədə “Turan” agentliyi Dövlət Vergi Xidmətinin məlumatlarına istinadən bildirir.

Məlumata əsasən təkcə son bir həftə ərzində hesablanmış və ödənilməmiş vergilərin məbləği 237 min manat təşkil edib. Ötən həftə Bakının Nərimanov rayon məhkəməsi “Baku Steel Company”-yə qarşı ölkə hüdudlarından kənara valyuta vəsaitlərinin çıxarılması iddiasına da baxmağa başlayıb. Belə ki, bağlanmış müqavilə üzrə pullar ödənilib, amma mal qanunvericiliklə nəzərdə tutulan müddətdə daxil olmayıb.

Bildirilir ki, habelə Bakı kommersiya məhkəməsində Mərkəzi Bankın və “Bank Standard” QSC-nin ləğvetmə komissiyasının “Baku Steel Company” tərəfindən alınmış kreditin ödənilməməsi iddiası üzrə işə baxılır.

Maraqlıdır ki, metallurgiya sənayesinin istehsal göstəriciləri bu il xeyli yaxşılaşıb. Dövlət Statistika Komitəsinin məlumatlarına əsasən əmtəə poladının istehsalı ilin səkkiz ayında 15.4 faiz artaraq 188,4 min ton təşkil edib, tikinti armaturunun istehsalı isə 21 faiz artaraq 184,6 min ton olub. “Baku Steel Company” QSC öz istehsal göstəricilərini açıqlamır, hərçənd məlumdur ki, ölkənin şirkət qara metallurgiya sənayesinin aparıcı müəssisəsidir.

 

Virtualaz.org

ƏVVƏLKİ XƏBƏR

“Onların hərbi planlarından, kimdən hansı dəstək almalarından yaxşı xəbərdarıq...” RUSİYA UKRAYNA İLƏ MÜHARİBƏNİ İSTİSNA ETMİR

SONRAKI XƏBƏR

Ukraynada yeni karantin qaydaları qüvvəyə mindi