Britaniyada una fol turşusu qatılacaq

Böyük Britaniya hökuməti hamiləliyin 12-ci həftəsinə qədər fol turşusu istifadə etmə ilə bağlı mütəxəssislərin tövsiyəsinin adətən yerinə yetirilməməsindən sonra hərəkətə keçib.

Anadangəlmə onurğa beyin yırtıqlarından (Spina bifida) qoruya bilən B vitamininin növü - fol turşusunun una əlavə ediləcəyi açıqlanıb.

Bu təcrübənin ildə 200-ə qədər doğuş qüsurunun qarşısını ala biləcəyi təxmin edilir.

Böyük Britaniyanın səhiyyə və sosial xidmətlər üzrə dövlət katibi Sacid Cavid açıqlamasında bildirib ki, Spina bifida kimi sağlamlıq problemlərinin qarşısının alınması ilə xəstəxanada müalicəyə ehtiyacı olan insanların sayı da azalacaq.

Una fol turşusu əlavə edən 80-dən çox ölkə arasında olan Avstraliyada sinir borusu qüsurlarının (Neural tube defects) 14 faizə düşdüyü qeyd olunur.

Spina bifida və beyinə təsir edən sinir borusu qüsuru Britaniyada təxminən min hamilə qadına təsir edir.

Britaniyanın baş naziri Boris Conson fol turşusu əlavə edilən unların doğulmamış körpənin inkişafını yaxşılaşdıra biləcəyini və yetkinlərin sağlamlığının möhkəmlənməsinə kömək edə biləcəyini də vurğulayıb.

Oxu.az

ƏVVƏLKİ XƏBƏR

Rihanna malikanəsini satır - ŞOK QİYMƏT

SONRAKI XƏBƏR

Dünyanın ən yaşlı əkizləri “Ginnesin Rekordlar Kitabı”na düşüblər - FOTO