Mərkəzi Bankda vəzifə verilmiş Namiq Nağdəliyev kimdir? - DOSYE

Xəbər verdiyimiz kimi, Namiq Nağdəliyev Azərbaycan Mərkəzi Bankının sədrinin ofisinə direktor təyin edilib.

FED.az xəbər verir ki, o, bu vəzifədə ötən il Milli Depozit Mərkəzinin İdarə Heyətinin sədri təyin olunmuş Adışirin Qasımovu əvəz edib.

Namiq Sahib oğlu Nağdəliyev 1982-ci ildə Bakı şəhərində anadan olmuşdur. 2012-ci ildə “Keçid iqtisadiyyatı ölkələrində İnflyasiyanın hədəflənməsi rejiminin nəzəri əsasları və Azərbaycan Respublikasında tətbiq edilməsi perspektivləri” mövzusunda dissertasiya işi müdafiə edərək iqtisad üzrə fəlsəfə doktoru elmi dərəcəsi almışdır. 2011-ci ildə ABŞ-ın Kolumbiya Universitetində doktorantura tədqiqatı aparmış, 2013-2014-cü illərdə ABŞ-ın Johns Hopkins Universitetində postdoktorantura pilləsi üzrə akademik təhsil almış, “Keçid iqtisadiyyatı ölkələrində institusional və iqtisadi islahatların idarəedilməsi” üzrə tədqiqat işi aparmışdır. 2020-ci ilin may-dekabr aylarında Harvard Universitetində “Dövlət Siyasətinin həyata keçirilməsi” istiqaməti üzrə xüsusi təhsil almışdır.

N.Nağdəliyev əmək fəaliyyətinə 2001-ci ildən başlamış, kommersiya banklarında, İqtisadiyyat Nazirliyi yanında İqtisadi İslahatlar ETİ-da çalışmışdır. 2008-ci ildə Mərkəzi Bankın Pul siyasəti departamentinə işə qəbul olunmuş və orada Pul və Məzənnə Siyasəti şöbəsinin rəisi vəzifəsinədək yüksəlmişdir. 2018-2021-ci illər ərzində Vaşinqton şəhərində Dünya Bankının İcraçı direktorunun müşaviri vəzifəsində fəaliyyət göstərmişdir.

Evlidir, 1 övladı var.

(Marja)

Fed.az

ƏVVƏLKİ XƏBƏR

"Tarixi gecə idi" - Ronaldo

SONRAKI XƏBƏR

Rusiya S-500 müdafiə sistemini işə saldı